Atualità
Ai 6 de dezëmber relazion de bilanz te Cunsëi provinziel
USP – Mpustazion de sparani, la defendura dl’Autonomia y n bilanz de 2,2 percënt mënder dl’ultimo: l ann 2013 se damanda n gran mpëni. Ciunes che ie la mires y la strategies dla Jonta provinziela spiegherà l presidënt dla Provinzia Luis Durnwalder te si relazion de bilanz, n juebia che vën, ai 6 de dezëmber te Cunsëi provinziel.
L argumënt zentrel dla relazion de bilanz dl presidënt dla Provinzia sarà la majera ntraunides da chëst' ann y i lëures mplu mpurtanc dla Jonta provinziela tl 2013. Tla relazion puderan audì la spiegazion dla spartizion di scioldi che sarà a desposizion. Sciche n ie bele usei prejenterà Durnwalder nce la mires y la strategies dla Jonta provinziela.
L presidënt Luis Durnwalder tenirà si relazion de bilanz - che sarà persunalmënter si ultima -
N juebia ai 6 de dezëmber
dala 10.00
tla senteda dla Cunsëi provinziel,
plaza Silvius Magnago 6 a Bulsan.
as
