Atualità
Conzert a La Pli de Mareo por recordè le poet Angelo Trebo
USP - Dan da 150 agn nasciôl a La Pli de Mareo Angelo Trebo, un di poeć ladins plü importanć. Por l comemorè vëgnel en sabeda ai 1. de dezëmber tignì n conzert dales 16 tla a La Pli de Mareo.
Tratan süa vita tormentada, caraterisada dala meseria, da desgrazies te familia y da na burta maratia- al è mort cun 26 agn - àl scrit 27 poesies y de plü tesć leterars. Sües composiziuns, plënes de reflesciuns sön l'esistënza dla porsona, fej de Trebo un di poeć ladins plü importanć.
Por comemorè Angelo Trebo vëgnel tignì n conzert en sabeda ai 1. de dezëmber dales 16 tla Ćiasa dles Uniuns a La Pli de Mareo. Artisć dl post portarà dant musighes adatades aposta ai tesć dl poet.
Le conzert vëgn organisé dal Museum Ladin Ćiastel de Tor. L'entrada é debann.
Informaziuns: Museum Ladin Ciastel de Tor, str. Tor 65, San Martin de Tor, tel. 0474/524020, www.museumladin.it.
De plü informaziuns sön i museums dl Südtirol é da ciafè chilò: www.musei-altoadige.it.
usp
