Atualità
Ai 5 de dezëmber: nfurmazion dala Provinzia nce per ladin
USP – Ultimamënter ie la plates web dla Provinzia, la Rë zivica, unides vijiteda nchin a 30.000.000 iedesc al ann. Śën ie chësta plates unides anjeniedes nce tla rujeneda ladina. N mierculdi ai 05 de dezëmber les meterà l assessëur ladin Florian Mussner online.
La Provinzia de Bulsan pieta na gran vela de'nfurmazion te forma digitela, tres internet. Nchinamò ie la nutizies, i servijes o la nfurmazion sun cuntribuc dl'aministrazions publiches dantaldut unì prejentà tla doi majera rujenedes provinzieles.
N mierculdi ai 05 de dezëmber saral sun www.provinzia.bz.it nce da giapé duta chësta nfurmazion tla rujeneda ladina.
La Rë zivica per ladin unirà metuda on line dal assessëur ladin Florian Mussner deberieda cun i respunsabli dl Servisc de comunicazion, dl Ufize cuestions linguistiches y dla sozietà de nfurmatica SIAG.
---
I culaburadëures di media ladins ie nviei a viver pea chësc mumënt storich per la nfurmazion ladina,
n mierculdi, 05 de dezëmber
dala 09.00 danmesdì
tla stala stampa dla Jonta provinziela
palaz Widmann, plaza Silvius Magnago 1 a Bulsan (cëla www.provinzia.bz.it/usp-ladin/aministrazion/50.asp)
y de nfurmé la populazion de chësta nuvità.
as
