Atualità
Grupes ladines ai 14 de dezëmber tl Dom de Bulsan
USP – La tradizion particulera de cianté y suné l Avënt che ie unida tramandeda ti luesc ladins unirà n vënderdi ai 14 de dezëmber purteda dant tl Dom de Bulsan. Sun nvit dl Assessorat provinziel ladin dajerà sies grupes di luesc ladins n cunzert d’Avënt.
Cun l cunzet d'Avënt a Bulsan uelen mustré su la gran varietà de grupes y sti de mujiga che ie te chësc tëmp da audì ti luesc ladins. N puderà audì l Cor Col dla Vedla de Rina, l Trio dl'ëiles de Urtijëi, l Pinzimonio Vocale de Val Badia, la Familia Ploner de Runcadic, l Cor di mutons de Sëlva y l Cuartet de tlarinec de Badia. Danora saral l digan dl Dom Bernhard Holzer à purté dant n pensier d'Avënt. Tres l cunzert dla grupes ladines mëinerà Otto Dellago.
Cun chësc cunzert tl Dom de Bulsan uel l Assessorat provinziel ladin sorissé che l'Avënt dëssa vester n tëmp de reflescion, de meditazion y de pesc. Y chësc propi te n tëmp caraterisà dal gra muvimënt cumerziel. Tl medemo mumënt dëssa la mujiga purteda dant da ciantarins y sunadëures ladins nce fé da puent danter la grupes de rujeneda.
L cunzert d'Avënt ai 14 de dezëmber tl Dom de Bulsan scumëncia dala sies da sëira.
---
I culaburadëures di media ladins ie nviei a chësc cunzert tl Dom de Bulsan y de nfurmé la populazion dla scumenciadiva culturela.
La grupes che fej pea
Trio dl'ëiles de Gherdëina pra l “Avënt ladin"
Cor Col dla Vedla
Cor di mutons de Sëlva
Cuartet de tlarinec Badia
Archëc familia Ploner
Pinzimonio vocale
as
