Atualità
Cin agenzies nteressedes per i joi a Roma
USP - Tla senteda dla Jonta provinziela iel (NCUEI) ai 03 de dezëmber unì tratà la cuestion di joi da Bulsan a Roma y che l posse prësc inò unì julà.
L ie stat l'autorità de jol ENAC a fermé i joi da Bulsan a Roma, à spiegà Luis Durnwalder. Te chëla che la cunzescion fova per drët tumeda y ma pona slungëda, à la Air Alps dit de ulëi me plu julé da duman y da sëira. Aldò dl'ENAC iel de bujën de julé sciche nchinamò cater joi al di o scenó deguni, y nscì iesen ruei ala situazion autela cun duc i julieres fërmes.
Ntant se à cin agenzies de jol bele fat inant per giapé la cunzescion. "Pernan che n sarà ruvei a una, saral mo de bujën de vel dis acioche l'agenzia de jol posse se urganisé internamënter y pona dëssel inò unì pità i jol" à dit l presidënt dla provinzia.
Ntan i sies mënsc de cunzescion provisoria possa l'ENAC purté inant l cuncors per sëurandé la cunzescion de jol danter Bulsan y Roma.
as
