Atualità
Purtoies dai schi, toponomastica y cuntroi di auti
USP - Na pruzedura nueva per purtoies dai schi, la defendura dla lege sun la toponomastica, la puscibltà de fé cuntroi di auti y ejams ti raions ie (NCUEI) ai 10 de dezëmber unì dai pro dala Jonta provinziela.
Lege sun i purtoies dai schi
La Jonta provinziela à dat pro la pruposta de lege che vëija la programazion de raions ntieres. Nchiamò à i singuli purtoies dai schi messù unì purtei ite tl planns aldò. Tl daunì dëssel unì dat pro raions ntieres y i purtoies singuli muessa me plu unì dai pro te chemun cun na pruzedura scemplificheda. La pruposta data pro dla Jonta vën śën mandeda inant al Cunsëi provinziel.
Provinzia defënd dla lege dla toponomastica
La Jonta provinziela à dat pro formalmënter cie che fova bele unì cunedì: n uel defënder la lege provinziela sun la toponomastica dan la Chëurt Costituzionela cun uni mesun. La se trata de mantenì n bon cumpromis y de mustré su che i inuemes uriginei ie per tudësch y ladin, ma nia chëi che Tolomiei à nventà tl tëmp dl fascism.
Cuntroi di auti y ejams ti raions
I cuntroi di auti y la pert pratica dl ejam da furné dëssa nce tl daunì unì fai ti raions. "A chësta maniera possa i zitadins se sparanië tëmp y custimënt per furné uni iede a Bulsan" à dit l presidënt dla Provinzia Durnwalder. Per curì l custimënt di servijes ti raions à la Jonta provinziela dat pro de auzé la tarifes. L ejam de patente ne custerà nia plu 53,24 euro ma 80,00 euro, la revijion custerà set euro de plu y l collaudo nuef euro de plu.
as
