Atualità
Descuscion te Jonta sun l finanziamënt dl turism
USP – Cun lege provinziela iel dan mez ann unì nvià via na basa nueva per l finanziamënt dl turism tl Südtirol. Te chësta lege iel udù dant na cuota per turist che dëssa unì tl ann 2014. La Jonta provinziela à (NCUEI) ai 27 de dezëmber menà na descuscion sce l dëssa vester na chëuta valiva per duc o partida aldò dla categuria dl albierch.
La lege provinziela vëija dant na chëuta per uni turist y na pert per l marketing. La pert sun uni turist ie ududa dant dal 2014, ma l'autra pert per l finanziamënt dl marketing dëssa me unì tëuta ite sce la singula lia per l turism ne giata nia ite 18 milion de cuntribuc ulenteres.
La Jonta provinziela à valutà pro y contra de tò ite la chëuta per uni turist aldò dla categuries dl albierch o te na categuria unica. Tla lege iel udù dant na chëuta danter 0,5 y 2 euro ala nuet per turist. Aldò l presidënt dla Jonta provinziela iel doi pusciblteies: o che l vën tëut ite na tarifa unica per duc unfat, o che la vën tëuta ite n relazion al priesc per nuet.
"La tendënza tla Jonta provinziela va de viers de na chëuta aldò dla categuries. L dëssa unì desferenzià sce l turist dorm te na majon privata o te n hotel da cin stëiles. L ie mo da udëi iel sce fé doi o de plu categuries" à dit l presidënt dla Provinzia. Na dezijion definitiva dëssel aldò dl presidënt unì tëut tla proscima senteda a mez jené.
as
