Atualità
Urientamënt scolastich trapinà tl Chemun de Sëlva
USP – L Ufize Urientamënt scolastich te Sëlva à trapinà tla cësa de Chemun. Chësc ie stat de bujën davia che i locai tla cësa de cultura vën adurvei provisoriamënter per la lezions dla scola mesana. I numri de cuntat ne ie nia unic mudei.
L servisc de cunsulënza dl Ufize Urientamënt scolastich per Gherdëina vën cun l ann nuef pità tla cësa de Chemun de Sëlva, streda Nives 14. Davia la cësa de cultura de Sëlva pieta na sënta provisoria ala scola mesana, ntan che chësta vën frabicheda da nuef, iel stat de bujën de trapiné Ufize Urientamënt scolastich, spiega la diretëura dl ufize Rolanda Tschugguel.
L orar de cunsulënza, de lunesc danmesdì dala 10.00 ala 12.00 y l numer de telefonn 0471-794192 ne ie nia unic mudei. Culaburadëura de referimënt per la sënta te Gherdëina ie Daniela Moroder.
as
