Atualità
L vën scrit ora la gestion dla uties da mont – recunescënza de nvestizions
USP - La gestions dla uties da mont che ie de avëi dla Provinzia unirà scrita ora per trëi ani. Chësc ie (NCUEI) ai 28 de jené unì dat pro dala Jonta provinziela che à nce fat ora che nvestimënc dl ost possa unì trai ju dal fit.
Do che la 25 vedla uties da mont dl CAI ie passedes ala Provinzia ie i cuntrac de fit bele doi iedesc unii slungëi de n ann a na maniera da pudëi lauré ora na soluzion definitiva. "Śën ons fat ora de scrì ora la gestion dla uties per trëi ani, scumencian bonamënter da n auter ann" à spiegà l presidënt Durnwalder riesc do la senteda dla Jonta provinziela. Ai osć che à nchinamò menà la uties ti uelen unì ancontra tant che la va.
La Jonta provinziela à nce fat ora de recunëscer la nvestizion che i osć fej tla uties. "A na maniera che i lëures de majer bujën, sciche cuncé vieresc, l tët o la roles dal'ega, posse prësc unì fai, puderà nvestizions nchin a 40.000 euro unì trates ju dal fit dla utia" à dit l presidënt dla Provinzia. Acioche l possa unì trat ju tan de scioldi, à i assessëures provinziei udù dant la puscibltà che l cuntrat de fit vënie slungià da trëi a cin ani.
Nce una dla trëi nueva uties da mont, bonamënter la utia Edelraut dëssa unì scrita ora do chësc sistem. L dëssa vester la prima che unirà fata su da nuef.
as
