Atualità
Jonta provinziela uel sparanië energia tla luminazion
USP – Te d’autri raions iel bele unì fat de bona sperienzes a prugramé eletronicamënter duta la luminazion publica, sparanian a chësta maniera nchin a 50 percënt dl’energia. La Jonta provinziela uel mëter a jì velch da de tel nce per l Südtirol y à (NCUEI) ai 28 de jené dat pro de scrì ora n cuncors.
"Sce l vën me mpià la luminazion publica canche la ie veramënter de bujën, possen sparanië truep scioldi" à dit l presidënt Luis Durnwalder do la senteda dla Jonta provinziela. Per arjonjer chësc sparani y nce per smëndrì luminazion che ne muessa nia vester, val de bujën de n program uniter. Chësc muessa unì sustenì da duta l'aministrazion publica: Provinzia y chemuns.
La Jonta provinziela uel se stizé sun la sperienza de d'autri raions y à perchël fat ora de scrì ora n cuncors per la prugramazion dla luminazion publica. Aldò dl presidënt dla Provinzia speren che i chemuns tënie pea pra chësta ulentà de inuvazion.
as
