Atualità
Sëurandat la cumpetënzes al assessëur provinziel nuef Pichler Rolle
USP – Do che Elmar Pichler Rolle ie (NCUEI) ai 5 de fauré unì lità assessëur provinziel, ti à l presidënt dla Provinzia Luis Durnwalder sëurandat i ciamps de cumpetënza. Nsci sëurantol Pichler Rolle la respunsabltà sun l’urbanistica y cuntreda cun leprò nce l liber fundier y l cataster.
De ndut iel cin ciamps de cumpetënza che fova da sëurandé da nuef, do che l vizepresidënt dla Provinzia ova dat la demiscions. L presidënt dla Provinzia Durnwalder à spartì su da nuef chësta cumpetënzes tres decret ti dajan al assessëur nuef Pichler Rolle la respunsabltà tla Jonta provinziela per i ciamps natura, cuntreda y urbanistica, y a nce per la repartizion provinziela che reverda chisc ciamps. Pichler Rolle se cruzierà nce de dl liber fundier y dl cataster.
L ciamp de cumpetënza sun l turism ti ie unì dat al assessëur Thomas Widmann che mantën la cumpetënzes che l ova nchinamò. L presidënt dla Provinzia Durnwalder se à nstës sëurantëut i ciamps dl’agricultura cun la furmazion prufesciunela per l lëur da paur, tl bosch y te cësa. Vizepresidënt dla Provinzia nuef ie unì lità Richard Theiner.
as
Landeshauptmann Durnwalder zur Neuverteilung der Kompetenzen in der Landesregierung
- Scarica il file audio 918 kb