Atualità
Degun caji de rabia tl Südtirol
USP - Davia che ntan i ultimi doi ani ne iel nia plu unì su caji de tieres tuchei dala malatia dla rabia, à dut l dl Südtirol pudù unì detlarà raion nia tucà da chësta malatia di tires salveres.
L minister talian de cumpetënza à detlarà l Südtirol raion nia tucà dala malatia rabia, nsci sciche l ie nce udù dant dala normatives europees.
Chësta detlarazion ie dantaprima de mpurtanza per patrons de tieres de cësa che ne muessa nia plu fé la dlaveies y per i iagri che ne muessa nia plu lascé fé i cuntroi di tieres stlupetei. "Ntan i ultimi doi ani iel tl Südtirol unì fat 52.400 dlaveies a cians y giac" à spiegà l presidënt Durnwalder do la senteda dla Jonta provinziela. Per ti tenì permez ala malatia dla rabia iel nce unì fat 44.058 dlaveies a bestiam, 5.600 a biesces y 2.300 a cëures. De bon resultac à nce purtà la trapules per i tieres salveres che à giapà la dlavea te chël mumënt che i à mòrs ite tla trapula. Chësta azions fova dantaprima unides fates per la bolp, che tlopa su l plu saurì la malatia dla rabia.
as
