Atualità
Ganes n vijita dal presidënt dla Provinzia
USP – L suzes dl trio de ciantarines “Ganes” da La Val à purtà Maria Moling, Elisabeth y Marlene Schuen sun de gran palcs a livel nternaziunel. Si atività y si produzion nueva ie stai argumënt de n’ancunteda (NCUEI) ai 26 de fauré cun l presidënt dla Provinzia Luis Durnwalder tl palaz Widmann a Bulsan.
La grupa Ganes ie drët damandeda pra festivals de mujiga pop y cunzerc tl raion de rujeneda tudësch. Majera pert di cunzerc à Maria Moling, Elisabeth y Marlene Schuen purtà dant tla ziteies dl Deutschland. "La Ganes porta dant cianties ladines y cun si suzes che devënta for majer ieles ambasciadësses mpurtantes per l raion ladin y per dut l Südtirol" à dit l presidënt Durnwalder do l'ancunteda. Per l presidënt dla Provinzia, che à bele nstës nce audì ciantan l trio da La Val, porta la Ganes bon inuem al Südtirol y nce retlam. La ciantarines à cuntà de si ultima reprejentazions y à prejentà si program di proscimi cunzerc che les purterà proscimamënter a Sterzing (23 de merz), a Landsberg (24 de merz) y a Traunreut (10 de auril). Argumënt dl'ancunteda a Bulsan ie nce stat na produzion nueva che la Ganes à bele n mënt de dé ora.
as
