Atualità
Dumandes per ruvé tla graduatoreies di nsenianc nchin lunesc ai 11 de merz
USP – Nteressei a nsenië tla scoles ladines possa nchin lunesc ai 11 de merz mo fé dumanda per unì tëuc su tla graduatories provinzieles. La dumandes possa unì dates ju nce de persona tla Ntendënza Ladina a Bulsan.
La graduatories provinzieles reverda la stieres da nseniant tla scoles elementeres, mesanes y autes ti luesc ladins. Nchin ai 11 de merz possel mo unì fat dumanda per na grupa speziela che ie stata scrita ite al studi de scienzes dla furmazion ti ani academics 2008/09, 2009/10 y 2010/11. L se trata tlo plu avisa de ruvé tla graduatoria cun riseva nchin che i nteressei ne à nia arjont i tituli damandei per l nseniamënt te scola.
Nfurmazions plu avisa possen damandé do pra Veronika Prossliner (0471-417015) y pra Elisabetta Rindler (0471-417018).
as
