Atualità
Firmada la convenziun Provinzia-Crusc Blancia
OSP - Incö daduman él gnü sotscrit tl Palaz Widmann a Balsan dal presidënt dla Junta provinziala Luis Durnwalder y dal presidënt dla Crusc Blancia Georg Rammlmair la convenziun nöia.
Sodesfaziun él gnü demostrè dai dui presidënc dô avëi arjunt l'acordanza che vëiga danfora la restruturaziun dl sorvisc de socurs garantì dala Crusc Blancia en cajo de calamité.A chësta moda á la Provinzia metü a desposiziun por i proscims trëi agn 1,7 miliuns de Euro. "Chîsc gnará adurà dandatüt por la cumpra de mesi nüs y de en echipamënt plö adatè ai standarg atuai ince cun en corporate design nü", á dit le presidënt Durnwalder.
"Cun i mesi mobii nüs che sarà tosc a desposiziun dla Crusc Blancia, sarál ince plö saurí en cajo de calamité o catastrofa naturala, assistì y curé les porsones ch'á debojëgn de aiüt o ch'è restades sënza en tët."
EB
