Atualità
Sustëni provinziel a 25 scumenciadives interetniches
25 scumenciadives cultureles che reverda de plu grupes de rujeneda giaterà n sustëni de 523.400 euro dala Provinzia de Bulsan. La dumandes de sustëni ie (INIER) ai 10 de auril unides azetedes dala Cunsulta culturela dla trëi grupes de rujeneda cun i assessëures provinziei Mussner, Kasslatter Mur y Tommasini.
Te si segonda senteda da chësta ann à la Cunsulta culturela dla trëi grupes de rujeneda tëut tres 34 dumandes de sustëni per scumenciadives y ativiteies cultureles. La dumandes che vën tratedes te chësta cumiscion provinziela reverda de plu grupes de rujeneda y per chësta rejon vënieles tratedes dai trëi assessëures ala cultura Florian Mussner, Sabina Kasslatter Mur y Christian Tommasini deberieda cun trëi esperc dla Provinzia.
"Vel dumanda ne à nia pudù unì azeteda per rejons tecniches y sun vel una ie mo de bujën de stlarimënc, a chësta maniera ne n ons chëst iede pudù azeté 25 che ie feter trëi cherc dla dumandes che fova ruvedes ite" spiega l assessëur ladin. Per chësta 25 scumenciadives interetniches dajerà la Provinzia de Bulsan n sustëni per na soma de 523.400 euro.
Tla prima senteda da chësta ann ova la Cunsulta culturela dla trëi grupes de rujeneda azetà 15 dumandes, dajan pro n sustëni de 746.750 euro. Cun la prima doi sentedes iel chëst ann de ndut unì azetà 40 dumandes aldò de chëles che l vën sustenì scumenciadives interetniches per de ndut 1,27 milion de euro. (USP)
Lies y scumenciadives sustenides dala Provinzia per atività culturela interetnica (segonda pert 2013)
Accademia arte della diversità TEATRO LA RIBALTA - Bulsan
Accademia di studi italo - tedeschi Maran
Associazione Carambolage Kulturverein - Bulsan
Associazione Codice Ivan - Lana
Associazione Culturale RUS Kulturverein - Bulsan
Associazione donne NISSÀ - Bulsan
Associazione Musica in Aulis Verein - Bulsan
Associazione Nevo Drom - Bulsan
Associazione Provinciale Musicisti - Bulsan
Comitato FAI della Delegazione FAI di Bolzano
Fondazione Alexander Langer Stiftung - Bulsan
Fondazione Concorso Internazionale F. Busoni - Bulsan
Galerie Gefängnis La Carceri - Kaltern
Gemeinde Brixen
Integration Rock - Maran
Jazz Music Promotion - Bulsan
Kulturforum Vinschgau
Liederszene Südtirol - Bulsan
Meraner Musikvochenverein
Stadttheater Sterzing
Teatro ZAPPA Theater - Maran
Verein Ars Organi - Maran
Verein Cordia - S.Laurënz
Verein Internationale Begegnung Zeitgenössischer Musik - Bulsan
Verein Transart - Bulsan
as
