Atualità
INVIT - Durnwalder y Frick prejënta le sistem nü por la proteziun dales lovines - In vëindres a Sëlva dales 10
OSP - Le strumënt de segnalaziun lominus por le prigo de lovines, tecnologicamënter avanzè, orü dala Provinzia instëssa por garantí ciamò na maiù segurëza söles pistes y fora dales pistes dai schi, gnarà prejentè in chësc vëindres, ai 6 de dezëmber, dal presiëdent dla Junta provinziala Luis Durnwalder y dal assessur provinzial por le turism Werner Frick a Sëlva, dales 10 danmisdé.
Le strumënt nü é dandadüt dër ütl por düc i escurscionisc y por i schiadus y á la funziun de avisé dal prigo de lovines.L'aziun vëgn metüda a jí dal Ufize provinzial por l'alpinism, marketing turistich y comerzial, adüm al Ufize provinzial idrografich.
Pro la conferënza stampa tla staziun a munt dl implant portamunt Ciampinoi de Sëlva sarál prejënc ince Michela Munari, direturia dl Ufize idrografich, Hansi Felder, diretur dl Ufize provinzial por l'alpinism, marketing turistich y comerzial y Karl Lüfter, presidënt dl Assoziaziun provinziala di imprenditurs di implanc portamunt.
I partezipanc ala conferënza stampa ciafarà pro la cassa dla staziun a val dl implant portamunt Ciampinoi a Sëlva les chertes debann sce al gnarà prejenté chësc invit.
EB
