Atualità
Colaboraziun nanter Provinzia y Cortina d'Ampëz - Incuntada cun l'ombôlt ampezan nü
OSP - Na colaboraziun por dè na soluziun ai problems che reverda trames Provinzies, la cultura y i ladins ampezans: chisc i tems metüs sön mësa intratan l'incuntada da inier nanter le presidënt dla Junta provinziala de Balsan Luis Durnwalder y le ombôlt nü de Cortina d'Ampëz, lité chëst ann, Giacomo Giacobbi.
La discusciun á tochè le problem dl trafich, le stüde che la Provinzia de Balsan à fat fà por mioré la viabilité söla strada statala de Puster, les esigënzes dles dües perts relativamënter ala Toblach-Cortina, le mioramënt y amodernamënt dla ferata de Puster che le Govern zentral pê che sostëgnes, les pistes da bob de Cortina y le ospedal de Sanciana."L'ampliamënt dla colaboraziun cun Cortina - á dit inier le presidënt Durnwalder - tol ite ince manifestaziuns de carater cultural, sciöche l' "Edema mahleriana" y ince la receziun dles trasmisciuns Rai ladines, a chëles che ince i comuns de Belun é dassën interescià."
Te na proscima incuntada gnará chîsc punc ciamò en iade afrontà dales dües perts plö concretamënter.
EB
