Atualità
Sculeies da cin nazions vijitea i lëures per l’eghes sun Frea y a Badia
Na delegazion de sculeies de scoles autes tla Polonia, Niederlande, Turchia, Austra y Talia à da permò vijità i lëures che vën fai per l’eghes sun jëuf de Frea, a Badia y a Percha. L’escurscion de sculeies ie unida fata tl cheder proiet partner Comenius 2012-2014 „Mothering to Water“.
I pruvedimënc contra la levines sun jëuf de Frea, la smueia de Badia y l lëures bele finei a Percha ie unic vijitei da 19 sculeies da cin nazions, cumpaniei da si nsenianc y Sandro Gius, diretëur dl ufize provinziel "Sistemazion de ruves da mont y peralevines ost".
I sculeies à fat l'escurscion tl cheder de proiet partner ulache la se trata de prutezions y garanzies per l daunì n cont dl'ega. "Ai sculeies ti à fat mprescion a udëi la smueia de Badia y lëures che ie unic fai per stravardé la populazion" conta Rudolf Pollinger, diretëur de repartizion. (USP)
as
