Atualità
Matura: Jonta provinziela tën sun la particularità dl Südtirol
Maturanc che à plu de 80 ponc pra la matura dëssa bele chëst ann giapé n bonus de ponc tl ejam de amiscion al’università. Chësc vëija dant n decret dl minister da dant Francesco Profumo. La Jonta provinziela à (NCUEI) ai 06 de mei abù da pesimé sun chësc bonus y uel arjonjer che l vënie tenì cont dla particularità dla matura tl Südtirol.
Chiche fej la matura cun passa 80 ponc giaterà pra l ejam de amiscion a na università taliana n bonus de diesc ponc. I particuleres de chësta regulamentazion ne ie mo nia tleres ajache l mancia mo la norma de atuazion.
Aldò dl presidënt dla Provinzia à la Jonta provinziela doi rejons per ne vester nia a una cun la regulamentazion nueva: "La defrënza danter i resultac de matura tl nord y sud dla Talia ie drët granda. I sculeies al sud fina via la scola auta cun na media scialdi plu auta permez a chëi dl nord. Chësc vën demustrà te n studi fat sun ncëria dla ministra Gelmini. L segondo pont ie che tla defrënta scoles vëniel nce damandà cuntenuc defrënc, nsci iel tla scoles tecniches plu rie giapé truep ponc permez a d'autra scoles.
I assessëures provinziei uel sën aspité la norma d'atuazion y pona cialé che l vënie tenì cont dla particulariteies dl Südtirol. (USP)
as
