Atualità
Prima senteda dla Cumiscion ladina per l’opres d’ert
L’atività artistica fej pert dla cultura y ie tla valedes ladines drët sentida. Per sustenì chësta atività dla mendranza ladina compra la Provinzia de Bulsan uni tant vel opra d’ert. La cumiscion cherdeda ite dal Assessorat Ladin che dëssa fé prupostes y dé na valutazion sun i priejes, sa à (INIER) ai 08 de mei ancuntà l prim iede.
Tla cumiscion provinziela ladina per l'opres d'ert à Lois Ellecosta giapà la delega da presidënt da pert dl assessëur ladin Florian Mussner. L duvier de purté prupostes n cont de opres d'ert da cumpré y de dé na valutazion di priejes, unirà fat deberieda cun l artist Albert Mellauner y l architeta Christa Kasslatter.
Tla prima senteda, tenida tl Ufize provinziel per la Cultura Ladina a Bulsan se ala n iede tratà de mëter sun mëisa criteries per cumpré opres di artisć ladins y de valuté prima prupostes y ideies. La cumiscion à na funzion consultiva per la Jonta provinziela che tol pona la dezijions n cont de cumpré l'opres d'ert. Per chëst ann iel udù dant n capitul de feter 26.000 euro per sustenì l'atività artistica ti luesc ladins. (USP)
as
