Atualità
Uneranzes per 32 atlec da inviern: n chert ie ladins
Ntan l ultimo inviern à 32 atlec dl Südtirol venciù na bedaia mundiela o arjont n podium de copa dl mond. Danter chisc atlec che ie (INIER) ai 8 de mei unic unerei dal presidënt dla Provinzia y assessëur al sport Durnwalder, iel nce 8 atlec dai luesc ladins.
I atlec dl Südtirol à ntan l ultimo inviern abù suzes te 8 disciplines sportives: schi alpin, podejé, luesa sun purtoi naturel y artifiziel, biatlon, snowboard, saut y schi da peves. Per uneré la prestazions sportives y per valorisé la mpurtanza che chisc suzesc nternaziunei à per l image dl Südtirol ova l presidënt dla Provinzia nvià tl Felsenkeller dla Laimburg.
"I atlec de suzes ie ambasciadëures de nosta provinzia y testemonesc de na cumenanza sportiva che funziunea" à dit Durnwalder sorissan che i bon resultac ne vën dessegur nia da sëui, ma che i vën da truepa disciplina, mpëni y n se dé da fé. I 32 atlec che fej pert dla FISI ie nce unic unerei per trueps d'autri che à ënghe arjont de bon resultac danter i plu jëuni.
Deberieda cun i mëur atlec, danter chisc Manfred Mölgg, Michela Ponza y David Hofer, fovel nce unì nvià l presidënt dl CONI-Südtirol Heinz Gutweniger, l presidënt dla FISI Südtirol Hermann Ambach, i cunselieres dla FISI naziunela y reprejentanc dla grupes sportives. (USP)
Atlec unerei di luesc ladins
luesa sun purtoi naturel
Florian Clara (cin vëntes, nuef iedesc podium y na bedaia mundiela)
Hannes Clara (doi vëntes y nuef iedesc podium)
schi alpin
Manfred Moelgg (doi iedesc podium y na bedaia mundiela)
podejé
David Hofer (un podium de copa dl mond)
saut cun i schi
Evelyn Insam (doi podium de copa dl mond)
Elena Runggaldier (un podium de copa dl mond)
biatlon
Michela Ponza (un podium de copa dl mond y na bedaia mundiela)
snowboard
Emanuel Perathoner (un podium de copa dl mond)
as
