Atualità
2,8 miliuns por l’entrada tla Val Badia
Acioche al pois gnì fat la entrada tla Val Badia val debojëgn da spostè i rôs dal gas. Sön proposta dl assessur Florian Mussner à la Junta provinziala aprovè (incö) ai 21 de mà da finanzié le spostamënt di rôs por 2,8 miliuns de euro.
A na moda che al pois gnì fat la entrada nöia por la Val Badia a S. Laurënz mëssel gnì spostè i rôs dal gas metann. Por che al pois gnì fat chisc laûrs à la Junta provinziala aprovè n'acordanza danter la Provinzia y la SNAM che gestësc la rëi di rôs dal gas. I rôs dal gas s'incrujëia cun la strada y le punt nü, porchël mëssi gnì spostà. I laûrs gnarà fać dala SNAM y la Provinzia de Balsan surantol la spëisa de 2.843.500 euro. "Inće sce chësc intervënt nes costa tröp, él na bona che la preparaziun por la entreda nöia tla Val Badia va inant concretamënter", insciö l'assessur por les strades Florian Mussner.
I laûrs odüs danfora dal'acordanza ne cumporta nia ma le spostamënt di rôs, mo inće provedimënć de sconanza, val' punt da podëi tachè ite i rôs, spostè i ventii de areaziun, spostè val' zentrales y implanć de segurëza. (USP)
as
