Atualità
Ressanamënt dla finanzes stateles: l’autonomies chier union
Te n’ancunteda (NCUEI) ai 03 de lugio a Roma ne ie la regions y provinzies autonomes nia ruvedes a una sun co che les dëssa dé si cuntribut a ressané la finanzes stateles. L assessëur Roberto Bizzo, che à reprejentà la Provinzia de Bulsan sorissea che l fossa iust l’aministrazions autonomes che messëssa demustré de tré dutes dl medemo vieres. Zënza ruvé a una, nsci Bizzo, ne resteral auter che jì dan la Cëurt costituzionela.
Tl'ancunteda di reprejentanc dla provinzies y regions autonomes dassoven ruvé a una co dé n cuntribut a ressané la finanzes stateles. Chësc cuntribut dëssa vester de 1,2 miliardes de euro, ma l pont critich ie co che chësta soma vën spartida su danter la singula regions y provinzies. Davia che n ne ie nia ruvei a una, ie la cuestion unida spënta al'ena che vën.
Sce n ne ruverà nia a una, unirà l custimënt spartì aldò dla spëises dla singula provinzies y regions per prudoc y servijes. Aldò de chësc model ne prufitëssa me do aministrazions: chëla dl Trentin y dl Friul che à chëst iede mancià a Roma. Per chësta rejon ie la dezijion unida spënta, scebën che n à abinà na linea deberieda: "Sce ne ruvon nia a una sun la soma che uni un à da paië, jirons da ala Chëurt costituzionela per se damandé de reviers i scioldi che nes mancia per via dl tratamënt nia valif" dij l assessëur Bizzo.
Te chësc cuntest sorissea l assessëur che l ie daniëura unì sorissà che i cuntribuc ala spending review ie unic urientei ala grandëza la bilanzes. "Sce ne ruvon nia a una, resions de desfé l sistem dla provinzies y regions autonomes, y chësc me per via che uni un cëla me sun sé nstës", dij l assessëur. (USP)
as
