Atualità
Lites provinzieles: partic muessa de ju i sënies de lista
Duman vënderdi 13 y n lunesc ai 16 de setëmber à i partic y la listes che uel fé pea la lites provinzieles dl 27 de utober, la puscibltà de dé ju i sënies de lista tla Direzion generela dla Provinzia.
Partic y listes che uel fé pea la lites provinzieles de utober, à l duvier de dé ju l sëni de lista. Chisc vën piei do tla Direzion generela dla Provinzia, tl segondo partimënt dl palaz Widmann (ufize 212) a Bulsan. Plu avisa n vënderdi y n lunesc, for dala 9.00 ala 12.00 y dala 14.00 ala 17.00.
Do chësc terminn uniral cuntrolà i sënies y pona metù ju l orden di sënies sun i placac. Chësc unirà fat te n'estrazion publica. I sënies unirà cuncei su sun i placac te na rissa urizontela y pona dac inant ai chemuns.
De plu nfurmazion sun la veles provinzieles giaten sun la plates web dla Provinzia (http://lites.provinzia.bz.it/), ma nce sun facebook (www.facebook.com/landtagswahlen.2013.elezioniprovinciali) o sun twitter (https://twitter.com/stwahl13).
as
