Atualità
Cultura Socialis ai 21 de merz a Urtijëi
OSP - L'ultima etapa por intant sön so iade fora por les comunitês raionales arjunj Cultura Socialis, la scomenciadia culturala dl sozial dl Südtirol, ai 21 de merz te Gherdëna. Dal 2007 incà premiëia y cöi adöm la Repartiziun provinziala Politiches soziales te döta la provinzia scomenciadies y proieć particolars dl sozial. Ai 21 de merz vëgnel premié les scomenciadies y i proieć d'ejëmpl tla ćiasa dla cultura Trenker a Ortijëi.
Do che la manifestaziun ê gnüda tignida ti ultimi agn tles comunitês raionales dla Val Venosta, dla Val d'Isarch y dl Burggrafenamt, dl comun de Balsan, de Puster, dl Überetsch-Unterland y dl'Alta Val d'Isarch, s'archita Cultura Socialis por le 8. ann da süa nasciüda tla comunité raionala de Salten-Scilier. Dl 2013 él gnü menè ite 211 propostes por proieć dër interessanć y d'ejëmpl sön la plata cultura-socialis.it. Dötes les indicaziuns che vëgn dales zitadines y dai zitadins dl Südtirol vëgn controlà y i proieć vëgn documentà sön la plata web. A chësta moda vara da ti dè visibilité ala varieté dl laûr sozial y al engajemënt tl Südtirol y colié la rëi por na cultura dl sozial: le focus vëgn metü sön le capital sozial te nosta provinzia.
I laûrs de preparaziun por la manifestaziun, che gnarà tignida ai 21 de merz dales 16:45, à bele metü man d'isté dl 2013. N grup de coordinaziun dl post, olache al é rapresentantes y rapresentanć de raiuns soziai desvalis de Gherdëna, à laurè fora idees. Le moto dl 2014 é "Mudamënc-Veränderungen-Cambiamenti". Y insciö se presentëia inće chësta manifestaziun.
Por le pröm iade tla storia de Cultura Socialis vëgnel dè n pest dla iuria y n pest dl publich, che vëgn chirì fora le dé dla manifestaziun. La manifestaziun serala vëgn inviada ia dala assessuria nöia Martha Stocker y da contribuć originai sön le moto dl ann. Dl'interpretaziun artistica se crüzia les scolares y i scolars dl lizeum d'ert "Cademia", a Urtijëi. Dl cheder musical se crüzia la scora de musiga de Gherdëna. Bele dal 2008 incà sostëgn la Fondaziun Südtiroler Sparkasse la scomenciadia. Cultura Socialis vëgn moderada ai 21 de merz dai assessurs por le sozial di trëi comuns de Gherdëna.
Dötes les porsones interessades al sozial tl Südtirol dess se scrì sö chësc terminn. I sëis düć dër bel invià da tó pert ala manifestaziun Cultura Socialis tla ćiasa dla cultura „Luis Trenker" a Urtijëi.
De plü informaziuns sön Cultura Socialis é da ciafè sön internet söt: http://www.cultura-socialis.it/.USP
