Atualità
Geschichte der Dolomitenladiner: Presentaziun dl liber tla Teßmann
USP - La Biblioteca Provinziala Friedrich Teßmann inviëia deboriada cun l'Istitut Ladin Micurà de Rü ala presentaziun dl liber sön la storia di ladins dles Dolomites.
![](/news/img/lazy.gif)
Te ot capitui descrî le liber la storia di ladins dles Dolomites dala preistoria ai tëmps da śëgn; na majera atenziun ti vëgn dada ala storia di ultimi 200 agn. Tl zënter él i avenimënć de gran varieté y mudaziun dl svilup politich, sozial, economich y cultural che à portè pro a formè l'essënza dla mendranza ladina: so lingaz, süa cultura y süa originalité. Le liber é gnü a s'al dè do da agn d'archirida te archifs y biblioteches; le material dles fontanes é gnü elaborè danü sön la basa dles conescënzes storiches plü jones. Dlungia 490 fotografies por le plü storiches él da ciafè reproduziuns de 50 documënć y 22 chertes storiches. L'autur dl liber Werner Pescosta laôra dal 1993 incà tl Istitut Ladin "Micurà de Rü". Introduziun: Leander Moroder, diretur dl Istitut Ladin "Micurà de Rü"
Can: en jöbia, ai 20 de merz, dales 20.00
Olâ: Biblioteca Provinziala Friedrich Teßmann, str. Armando-Diaz 8, Balsan
usp