Atualità
Corieres sura le Ju de Rombo: La sajun da d’isté à metü man
USP – Dai 15 de jügn inant vara indô da tó les corieres de coliamënt suraregional che porta dala Val Passiria sura le Ju dl Rombo ćina tla pert austriaca de Sölden. Le proiet suraregional dl Südtirol y dl Tirol é pié ia dan da dui agn y é bele gnü anuzé te dui istà dötadöm 35.000 passajiers (20.000 ma tl 2013).
Le bus de coliamënt sura le Ju de Rombo danter le Südtirol y le Tirol à fat so pröm iade dl 2012 y é rové chësc ann a süa terza ediziun. Dal 15 de jügn inant é la coriera de colegamënt suraregional indô ativa sön la trata danter Moos tla Passiria ćina Obergurl te Sölden. L'inauguraziun dla sajun da d'isté é gnüda zelebrada en sabeda, ai 14 de jügn, cun n iade ćina sön le Ju de Rombo da pert dles organisaziuns y istituziuns interessades. Presënt en chësta ocajiun ê inće danter l'ater Valentino Pagani, diretur dl departimënt por la mobilité y sostitut dl assessur Florian Mussner, Günther Burger, diretur dl'agenzia por la mobilité y Jakob Wolf, deputat dl Consëi provinzial dl Tirol.
La coriera sura le Ju dl Rombo passa ćina ai 21 de setëmber y fej vigni dé cater iadi te öna na direziun. Le pröm y l'ultimo iade dl dé pëia ia dala staziun dles corieres de San Leonardo tla Passiria (dales 8.25 y dales 16.40), i atri dui indere dala localité Moos. I iadi zoruch pëia ia dala localité Obergurl dales 8.05, 10.05, 14.50 y 16.55. Indöt döra n iade 1 ora y 20 menüć. Por düć chi che à les chertes Südtirol Pass, Südtirol 65+, Abo+ él preodü prisc arbassà. Adorè les corieres pon inće cun les chertes Mobilcard, museumobil Card, bikemobil Card, BusCard Maran y la Ötztal Card.
rc
Galaria dales fotografies
