Atualità
„No Credit“: Le flyer dl'aziun śëgn inće por ladin
Tl cheder dla campagna de sensibilisaziun „No Credit“, che é organisada dal Sorvisc Strades adöm cun la polizia locala y le Setur Zentrala viabilité por cherdé sö i motoziclisć a rovëne cun segurëza sön strada, pon desćiarié da incö inant (01.07) le flyer inće por ladin.
La verjiun ladina é gnüda traslatada te trami dui i idioms dles valades ladines, sides por badiot che por gherdëna, spliga l’assessur Florian Mussner. Sön le flyer pon ciafè informaziuns importantes sön la segurëza sön strada y sön les regoles da osservè canche an rovëna, implü ciàfon inće n bonn por n curs por rovëne sigüsc a n prisc smendrì tl Safety Park a Pfatten. Le bonn vël ćina ai 30 de setëmber.
La campagna „No Credit“, che à sciöche obietif chël da informè i motoziclisć le plü poscibl che ara va sön co rovëne plü sigüsc sön strada, va inant ćina ai 30 de setëmber y contëgn tratan les fins dl’edema cun n’alta presënza de motoziclisć inće de plü aziuns de sensibilisaziun diretamënter sön les strades y i jus tl Südtirol.
rc
