Atualità
Sbürles por l’economia (2): Parch tecnologich cun le sostëgn de düć
Le parch technologich a Balsan gnarà fat sö, “y chësc cun l’aiüt de düć i seturs y dötes les organisaziuns dl’economia”. Chësta la notizia che le Presidënt dla Junta Arno Kompatscher à dè incö (ai 8 de messè) do la sentada dla junta provinziala y do n’incuntada cun düć i rapresentanć dl’economia inier da sëra. Le moto dla costruziun y dl auzamënt nü sarà: Manco publich, plü privat.
Le consëns é stè ampl inier (ai 7 de messè) do la presentaziun dl conzet nü laurè fora por l’anuzamënt dl parch technologich, chësc à dit incö le Presidënt dla Junta Arno Kompatscher tratan la conferënza stampa. Chësc é stè poscibl inće por mirit dles propostes fates da pert dles organisaziuns dl’economia, sciöche por ejëmpl da mëte a desposiziun le parch technologich por scomenciadies da pert di privać: “Insciö saràl inće tl dagnì de plü formes de sorvisc che podarà gnì anuzades da düć, laprò labors y istituziuns por l’archirida dla provinzia, y implü gnaràl ma realisé i atri moduls sce la scomenciadia vëgn tuta da privać”, insciö Kompatscher, che à bele podü dè la noela incö, che döes de gran aziëndes metarà sö sü ofizi d’archirida tl parch technologich: l’aziënda “Grandi Salumifici Italiani” y le conzern tecnologich “Maccaferri”. La realisaziun di moduls por chësta pert dl parch dess bele gnì metüda man tl 2014, insciö le Presidënt dla Provinzia.
Nia ma por ći che reverda l’orientamënt dl parch gnaràl dè plü importanza al setur dles organisaziuns dl’economia mo inće por le svilup di laborators gnaràl tres tignì contać cun l’economia. Implü podarà inće aziëndes che ne à nia la sënta tl parch, sciöche por ejëmpl dla “ćiamena dl tlima”, anuzé i sorvisc dl parch technologich “Te chësta ćiamena él dötes les aziëndes che po porvè fora la resistënza de sü produć te n ambiënt ćialt y frëit”, à dit le presidënt Kompatscher. Inrescides à desmostrè bele ćina incö che presciapüch 100 aziëndes é interessades a podëi anuzé le sorvisc
rc
