Atualità
Inauguraziun dla mostra "Le cör dla ćiasa - La stüa tla Val Badia"
En vëndres ai 18 de messè dales 6 da sëra vëgnel daurì tl Museum Ladin Ćiastel de Tor a San Martin la mostra temporanea "Le cör dla ćiasa- La stüa tla Val Badia", dedicada al svilup y al significat dla stüa che é stè por secui le cör dla ćiasa ladina. Ala inauguraziun gnaràl i curadus dla mostra y l'assessur ai Museums Florian Mussner.
La stüa taflada de lëgn é stada secui alalungia le cör dla ćiasa, le post olache al gnô a s'al dè la vita soziala de döta la familia, y incö éra ćiamò insciö. Le svilup dla stüa, so significat y i rituai tignis dailò é tl zënter dla mostra temporanea "Le cör dla ćiasa- La stüa tla Val Badia" tl Museum Ladin Ćiastel de Tor, ia dedô stal n gran laûr de inrescida etnografica y documentaziun fotografica.
La mostra temporanea "Le cör dla ćiasa - La stüa tla Val Badia" vëgn inaugurada en
vëndres 18 de messè 2014
dales 6 da sëra
tl Museum Ladin Ćiastel de Tor,
strada Tor 65, San Martin
dal asssessur provinzial ala Cultura ladina y ai Museums Florian Mussner, dala curadëssa dla mostra Katharina Moling y dal cocuradù y diretur dl Museum Ladin, Stefan Planker. L'etnograf Hans Grießmair, autur de na pert di tesć dla esposiziun, fajarà na introduziun sön le tema dla stüa.
USP
