Atualità
„No Credit“- Aziuns de sensibilisaziun inće chësta fin dl’edema
Formè cosciënza por rovëne cun segurëza y do les regoles stradales: Inće chësta fin dl’edema (ai 19 y ai 20 de messé) vëgnel organisé aziuns de sensibilisaziun por i motoziclisć sön i jus dles Dolomites.
La campagna de sensibilisaziun „No Credit“, organisada dala Repartiziun Mobilité adöm cun la polizia comunala y la Zentrala Viabilité, à sciöche obietif chël da portè i motoziclisć a rovëne sigüsc, do le codesc stradal y tl respet dl ambiënt. Insciö vegnël inće organisé chësta fin dl’edema aziuns de destribuziun dl material informatif sön la segurëza sön strada. Al gnarà partì fora i flyer cun les informaziuns en sabeda, ai 19 de messè y en domënia, ai 20 de messè sön i jus de Sela y de Frara.
La campagna „No Credit“ va inant ćina ai 30 de setëmber y contëgn tratan les fins dl’edema cun n’alta presënza de motoziclisć inće de plü aziuns de sensibilisaziun diretamënter sön les strades y i jus tl Südtirol.
Le flyer dl’aziun é inće da ciafè por ladin: http://www.provinzia.bz.it/news/la/news.asp?news_action=4&news_article_id=463314
rc
