Atualità
21/07: Daurida dl Zënter de Documentaziun sot le Monumënt dla Vittoria
En lönesc, ai 21 de messè, vëgnel daurì le Zënter de Documentaziun sot le Monumënt dla Vittoria a Balsan. Al sarà presënć tratan la daurida le Minister por la Cultura Dario Franceschini y le Presidënt dla Provinzia Arno Kompatscher.
Le Stat, la Provinzia y le Comun da Balsan s’à fistidié adöm por l’istalaziun de na mostra permanënta sot le Monumënt dla Ticvoria y che trata la storia danter i agn 1918 y 1945. Le conzet fondamental dla mostra é gnü laurè fora da n grup d’esperć dl setur. Daurì gnarà le Zënter de Documentaziun
en lönesc, ai 21 de messè
dales 11.30
sot le Monumënt dla Vittoria a Balsan
adöm cun le Minister por la Cultura Dario Franceschini y le Presidënt dla Provinzia Arno Kompatscher. Do la daurida gnaràl tignì na conferënza stampa cörta y daldô gnaràl vijité la plaza Innerhofer y i mürs dl lager te via Resia, posć che recorda valgügn momënć dolorusc dla storia dla cité. Dales 13 ales 14 jarà l’inauguraziun inant en presënza di funzionars dla cité de Balsan, dales 14 ales 19 podarà le Zënter gnì vijité dai zitadins.
Le Zënter de documentaziun sarà davert daldô tres dales 11 ales 13 y dales 14 ales 17, la jöbia, dales 15 ales 21 da sëra. L’entrada é debann.
rc
