Atualità
Euregio: Les tematiches dles mëis é online
La mendranza linguistica zimbra tl Trentin, le pianist jazz tirolesc Christian Wegscheider y la diretiva nöia dl UE por i consumadus: chëstes é les trëi tematiches dl mëis de agost da lì do sön le portal internet dla Regiun Europeica Tirol-Trentin-Südtirol.
L’Euregio presentëia vigni mëis trëi tematiches nöies sön persones d’atualité, posć interessanć y chestiuns iuridiches che podess interessè döt le raiun transfrontalier danter le Tirol , le Südtirol y le Trentin. I tesć é da ciafè te talian y todësch, les informaziuns de basa inće por ladin y inglesc.
Öna dles tematiches chirida fora por le mëis d’agost é la mendranza linguistica zimbra da Lusern tl Trentin, olache al vëgn baié da plü de cënt agn le lingaz zimber y olache le 90 porcënt di abitanć porta le cognom Nicolussi o Gasperi. La personalité dl mëis é le pianist jazz tirolesc Christian Wegscheider, che à inće scrit na composiziun por l’aniversar di 100 agn dla pröma vera mondiala. Inultima, sciöche chestiun iuridica él gnü chirì fora da presentè la diretiva europeica sön i consumadus che é jüda en forza da mez jügn inant y che reverda dandaldöt contrać fać a destanza y te sëntes nia comerziales, sciöche por ejëmpl sön internet.
Dötes les informaziuns pon ciafè online tres la misciun: www.europaregion.info/
USP
Galaria dales fotografies
