Atualità
„S.O.S. Zebra“: Segurëza sön strada y mobilité ecologica
Por aumentè la segurëza sön strada y les conescënzes sön na mobilité plü ecologica, mët a jì les Repartiziuns Sorvisc Strades y Mobilité la campagna d’educaziun y de sensibilisaziun „S.O.S. Zebra“. L’assessur por la mobilité y le sorvisc strades Florian Mussner presentarà te na conferëza stampa ai 18 de setëmber dales 09:00 les ativitês preodüdes tla cornisc dla campagna.
La segurëza sön strada y l’educaziun tl vers de na mobilité plü ecologica y de dorada é döes dles tematiches prinzipales dla campagna de sensibilisaziun „S.O.S. Zebra“ che vëgn organisada dales Repartiziuns Sorvisc Strades y Mobilité adöm cun l’Ökoinstitut Südtirol/Alto Adige y le Safety Park. Tl contest dl’edema europeica dla mobilité dai 16 ai 22 de setëmber, che vëgn metüda a jì dala Comisciun Europeica por sensibilisé i zitadins sön na mobilité che tëgn plü cunt di mudamënć tlimatics, presentëia l’assessur por la mobilité y sorvisc strades Florian Mussner adöm cun le diretur de repartiziun Valentino Pagani y rapresentanć dl Ökoinstitut na suraodüda dles scomenciadies y le program dla campagna „S.O.S. Zulanta Zebra“ te na conferënza stampa,
la proscima jöbia, ai 18 de setëmber,
dales 09:00
tla curt interna dl Palaz Widmann
plaza Silvius Magnago 1,
Balsan.
rc
