Atualità
Euregio: les novitês dl mëis é online
Na vijita al zënter cultural dl Grand Hotel de Toblach, n retrat dla returia dl’Univeristé da Trënt aria De Pretis, na comparaziun dl’Euregio cun d’atres 45 euroregiuns: chisc é i temesc dl mëis presënć sön la homepage dl’Euregio Südtirol-Trentino-Tirol y da ciafè online sön: www.europaregion.info
Vigni mëis pita l’Euregio sön süa plata internet ofiziala informaziuns spezifiches sön personalitês, posć interessanć y chestiuns iuridiches atuales tl area danter Desproch y Trënt. Tla seria de presentaziuns plü atuala él gnü chirì fora sciöche porsona dl mëis la returia dl Universitè da Trënt Daria De Petris, öna dles protagonistes dla colaboraziun transfrontaliera danter les Universitês de Desproch, Trënt y Balsan por ći che reverda dandadöt i seturs dl’archirida y dla formaziun. Tesć y videos d’aprofondimënt pon ciafè tlican sön www.europaregion.info/it/daria-de-pretis.asp
Le Grand Hotel de Toblach é gnü chirì fora sciöche le post dl mëis, n zënter cultural conesciü inće sura i confins fora inće por merit de sües ativitês tl ćiamps dla culura, dla scienza y dl turism (informaziuns plü avisa sön: www.europaregion.info/it/kulturzentrum-grand-hotel-toblach.asp)
La chestiun iuridica dl mëis reverda n stüde de comparaziun sön le Grup europeich de cooperaziun teritoriala (GECT) publiché dala esperta de politica Alice Engl, inrescidëssa dl’EURAC a Balsan, che à comparè l’Euregio cun 45 d’atres euroregiuns (plü informaziuns pon ciafè sön: www.europaregion.info/it/die-europaregion-im-vergleich.asp)
rc
