Atualità
Presentaziun dl’Agenda Digitala: Conferënza stampa dales 10
La conferënza stampa sön l'„Agenda Digitala 2020“ preodüda por indoman (26/09) é gnüda antizipada de 30 menüć. L'assessuria Waltraud Deeg presentarà insciö le program indoman, ai 26 te setëmber te na conferënza stampa a Balsan dales 10, impede che dales 10.30.
„La digitalisaziun dla sozieté – insciö l’assessuria Deeg – é n prozès che reverda düć nos tres la vita da vigni dé. L’aministraziun publica mëss avëi sciöche obietif chël da acompagné y condüje chësc percurs tres programs cun na ligna tlëra.“ Le program „Agenda Digitala 2020“, che é gnü laurè fora dai esperć dla Provinzia y dla sozieté „Informatica Alto Adige“, é la basa por le svilup dla digitalisaziun tl Südtirol. Le program gnarà atuè do na fasa de dialogh danter dötes les perts interessades dl setur dla tecnica informatica. L’Agenda Digitala 2020 gnarà presentada dal’assessuria por l’aministraziun y por l’informatica, Waltraud Deeg, y dal Diretur dla Repartiziun Informatica, Kurt Pöhl, tratan na conferënza stampa
en vëndres ai 26 de setëmber
dales 10
tla sënta dla sozieté „Informatica Alto Adige“
strada Siemens 29
a Balsan.
rc
