Atualità
Inauguraziuns dla Futurum 2014 y MINT (02 y 03 d’otober)
En Jöbia, ai 2 de otober dales 12 gnaràl inauguré la cuinta ediziun dla Fiera dla formaziun „Futurum“ tla sënta dla Fiera a Balsan y en vëndres ai 3 de otober dales 9 metaràl man al Hotel Four Points by Sheraton, da ciafè dlungia la Fiera a Balsan, la manifestaziun por la promoziun dles arees formatives MINT dla matematica,dl’informatica, dles sciënzes naturales y dla tecnica.
La cuinta ediziun dla Fiera dla Formaziun – Futurum 2014 gnarà tignida dai 2 ai 4 de otober tla sënta dla Fiera da Balsan y presentarà na suraodüda sön i percursc formatifs y profescionai dala scora alta inant ćina al’educaziun universitara y ala formaziun permanënta tratan le laûr.
La 4. fiera dla formaziun vëgn organisada dala repartiziun 40 por la promoziun dla formaziun, Université y inrescida in colauraziun con i 3 departimënć de formaziun y istruziun (todësch, talian y ladin), cun la repartiziun por la formaziun profescionala de agricoltöra, forestala y dl’economia de ciasa, cun i ufizi por le ajornamënt dles repartiziuns de cultura todëscia y taliana, y inće cun l’assoziaziun di artejagn y cun la fiera da Balsan.
L’inauguraziun dla Futurum gnarà tignida
en jöbia 2 de otober
dales 12
ala Fiera da Balsan,
plaza dla fiera 1,
39100 Balsan
en presënza di assessurs por la scora y cultura Florian Mussner, Philipp Achammer y Christian Tommasini.
Tl contest dla „Futurum 2014“ gnaràl organisé en vëndres ai 3 de otober, dales 9 ales 12 tl Hotel Four Points by Sheraton, tles vijinanzes dla Fiera, la manifestaziun de promoziun dles arees formatives MINT por ći che reverda la matematica, l’informatica, les sciënzes naturales y la tecnica. Al é preodü, danter l’ater, parores de salüt da pert dl’assessur Achammer dales 9.
I programs dles manifestaziuns é gnüs ajuntà.
rc
