Atualità
13 d’otober: Aumënt di programs radiofonics digitai te döt Südtirol
L’oferta di programs radiofonics digitai y süa rezeziun sön döt le teritore gnarà amplià dai 15 d’otober inant: da öna na pert gnaràl metü en ona programs nüs, dal atra pert gnaràl inće amplié la rezeziun dl radio digital sön döt Südtirol. L’oferta digitala nöia gnarà presentada en lönesc, ai 13 d’otober dales 12 te na conferënza stampa cun le Presidënt dla Junta Arno Kompatscher.
33 programs radiofonics digitai – 16 dla RAS, cater dla Rai y 13 de trasmitënć privać – gnarà metüs en öna sön döt le teritore dla Provinzia dai 15 de otober inant tres le zënter nü por la trascmisciun dla radio digitala. Implü passarà na seria de programs al standard de cualité de rezeziun DAB+.
Le zënter nü por la trasmisciun radiofonica digitala y les novitês tla programaziun gnarà presentades ofizialmënter dal Presidënt dla Provinzia Arno Kompatscher, dal Presidënt y dal Diretur dla RAS, Rudi Gamper y Georg Plattner, y dai rapresentanć di trasmitënć radiofonics interessà
en lönesc, ai 13 d’otober,
dales 12
tla sënta dla RAS
alea Europa 164/A
a Balsan.
En chësta gaujiun gnaràl inće presentè le pröm aparat radiofonich digital che é gnü metü adöm tl Südtirol.
rc
