Atualità
15 d’otober: Seminar d’architetöra sön la tematica „corporate architecture“
La Repartiziun Frabiches y sorvisc tecnich inviëia por le 13ejimo iade a n seminar sön l’architetöra. La tematica zentrala sarà chësc iade le conzet de „corporate architecture“. La manifestaziun, che é ponsada dandadöt por architëć, injiniers y tecnics, vëgn inaugurada en mercui, ai 15 d’otober tla sënta dl’Université da Balsan dales 9 dal assessur por i laûrs publics Christian Tommasini.
Tles aziëndes y dites vëgnel laurè tröp sön i conzeć de „corporate identity“ y „corporate design“ y öna dles formes de espresciun de marketing che s'integrëia tres deplü tla fisolofia aziendala é n reconescimënt unitar y tler dles formes architetoniches. La sozieté taliana „Olivetti“ vëgn aratada te chësc vers un di pioniers tla concretisaziun de na „corporate architecture“.
L’adoranza dl architetöra tl ćiamp dl marketing sarà insciö l’aspet zentral dl 13ejimo seminar d’architetöra che vëgn metü a jì dala Repartiziun Frabiches y sorvisc tecnich adöm al Ordinn di Architëć da Balsan. Tratan la manifestaziun gnaràl tratè plü aspeć dla poscibilité por aziëndes da adorè l’architetöra por fins de marketing y strategia aziendala sciöche inće le conzet teoretich de na „Corporate Architecture Südtirol Alto Adige“ por le Südtirol.
Le 13ejimo seminar d’architetöra gnarà inaudé
en mercui, ai 15 d’otober 2014
dales 9
tl’Aula Magna
dl’Université de Balsan
dal assessur por i laûrs publics Christian Tommasini y dal Diretur dla Repartiziun Infrastrotöres Andrea Sega. I referënć sarà danter l’ater Roberto Gigliotti dl’Université da Balsan y le jornalist y critich Andreas Gottlieb Hempel.
rc
