Atualità
Barat intercultural danter jogn „Hallo CiaoMaroc“: Iscriziuns davertes
20 jones y jogn, 10 dal Südtirol y 10 dal Trentin danter i 17 y i 22 agn podarà fà para dai 15 ai 25 d'agost dl 2015 al barat intercultural a Rabat tl Marocco cun jogn dla medema eté dal Marocco. La scomenciadia à inom „HalloCiaoMaroc“ é vëgn organisada dal Ofize Laûr por y cun la jonëza dla Repartiziun Cultura todëscia en colaboraziun cun les assoziaziuns OEW y BASSMA (Marocco).
I partezipanć sarà ghesć pro les families di jogn dla medema eté y podarà insciö imparè da conësce la vita da vigni dé dles families dl Marocco cun sües tradiziuns y usanzes. Le program dl proiet intercultural prevëiga che i jogn pois partezipè tratan i danmisdês a n curs d’introduziun dl lingaz y dla cultura araba, tratan i domisdês él preodü ativitês dl tëmp lëde adöm cun i jogn dl post. Inće i jogn y les jones dl post arà insciö la poscibilité da imparè da conescë i lingać desvalis dl Südtirol y dl Trentin y da descurì comunanzes y valurs coletifs.
I partezipanć al proiet gnarà acompagnà da dui funzionars dl Ofize Laûr por y cun la jonëza dla Repartiziun Cultura todëscia. I posć é 20, al gnarà fat na seleziun de 10 jogn dl Südtirol y 10 dl Trentin danter i 17 y i 22 agn. Le iade vëgn organisé dai 15 ai 25 d'agost dl 2015. Le formular da scrì fora po gnì desćiarié tres la misciun internet www.provinz.bz.it/jugendarbeit sot ala usc „Aktuelles“. La cuta de partezipaziun é danter 200 y 300 euro.
Por plü informaziuns prëibel contatè Abdelouahed El Abchi al Ofize Laûr por y cun la jonëza dla Repartiziun Cultura todëscia, tel. 0471 413373, e-mail Abdelouahed.elabchi@provinz.bz.it
rc
