Atualità
Museum Natöra: Daurida dla mostra „Liberi e selvaggi“ - Tesć inće por Ladin
40 fotografies dl artist Florian Schulz sön i spostamënć de tiers tl America dl Nord gnarà mostrades al publich da en lönesc ai 27 d’otober tl Museum Natöra Südtirol a Balsan. Le titul dla mostra speziala é „Wild, frei und mobil – Liberi e selvaggi". I tesć dla mostra sarà te cater lingać: ladin, todësch, talian y inglesc.
Da plü co 20 agn documentëia le fotograf Florian Schulz i spostamënć di tiers te so habit natural tl America dl Nord y stüdia insciö inće le mantignimënt dla biodiversité di raiuns naturai sot a sconanza. 40 de sües fotografies sarà insciö da odëi tosc, adöm a rapresentaziuns multimediales sön les migraziuns y la destribuziun di tiers salvari tles Alpes, tl Museum Natöra Südtirol a Balsan. La mostra speziala „„Wild, frei und mobil – Liberi e selvaggi", cun tesć de spligaziun te cater lingać (ladin, talian, todësch y inglesc) gnarà daurida
en lönesc, ai 27 d’otober
dales 18
tl Museum Natöra Südtirol
strada Bottai 1
Balsan.
Ala daurida dla mostra saral presënć l’artist Florian Schulz, le diretur dl Assessorat Valentino Pagani, la direturia dla Repartiziun Museums Karin Dalla Torre, le diretur dl Museum Natöra Vito Zingerle y la curadëssa dla mostra Johanna Platzgummer.
Informaziuns: Museum Natöra Südtirol, strada Bottai 1, Balsan, tel. 0471 412964, web http://www.museonatura.it/.
rc
