Atualità
La app ofiziala "Wetter Südtirol" é gnüda desćiariada passa 100.000 ia
La app ofiziala por i smartphons y i tablets dl Sorvisc dl tëmp dla Provinzia è dan man da jügn inant y à atira albü n gran suzès. La app, che é debann, é gnüda desćiariada passa 100.000 iadi - y le numer di utënć vëgn tres majer. La app vëgn ajornada regolarmënter inće por ladin.
Tles botëghes de apps él n stlafun de aplicaziuns sön les previjiuns dl tëmp cun chëres che an ciafa te vigni momënt informaziuns sön le tëmp olachemai. "Les previjiuns de chisc pitadus internazionai", prezisëia Hanspeter Staffler, diretur dla Repartiziun provinziala Proteziun cuntra le medefüch y Proteziun zivila „n‘é indere nia tres prezises, ajache por previjiuns esates adôron dantadöt la conescënza dl raiun de meterologs esperć. Chësc vel dantadöt por n raiun da munt tan complès sciöche le Südtirol."
L'app pîta inće d’atri sorvisc, sciöche l’azès a dötes les staziuns de mosoraziun dl Sorvisc dl tëmp dla Provinzia, ales imajes dal vi dl radar dles perturbaziuns, sciöche inće a tröpes webcams, lascia alsavëi le meteorologh dla Provinzia Dieter Peterlin.
L'app dl tëmp por android y iOS (iPhone, iPad) é dan man te cater lingac – ladin, talian, todësch y inglesc – é po gnì desćiariada jö debann sön chisc sić:
Google Play Store (Android):
https://play.google.com/store/apps/details?id=it.siag.weather&hl=it
Apple App Store (iOS):
https://itunes.apple.com/it/app/meteo-alto-adige-wetter-sudtirol/id887929235rc
