Atualità
Aprovaziun dl dessëgn dl bilanz de previjiun: conferënza stampa en mercui
Por indoman, mertesc ai 28/10, él preodü na sentada de plenum danter i Consëis provinziai dl Trentin, dl Südtirol y dl Tirol a Schwaz tl Tirol. La sentada edemala dla Junta provinziala gnarà insciö sburlada a indoman da sëra cun sön l’ordinn dl dé l’aprovaziun dl dëssegn de lege sön le bilanz de previjiun 2015 y che le Presidënt Kompatscher presentarà te na conferënza stampa en mercui (29/10).
Dan da trëi edemes à la Junta provinziala aprovè les diretives por le bilanz de previjiun 2015, y daldô che ara les à presentades ales perts soziales él preodü por indoman, mertesc 28 d’otober, l’aprovaziun definitiva dl bilanz de previjiun y dla lege finanziara. Por gaujia dla sentada de plenum danter les trëi Provinzies dla Provinzia de Balsan, dl Land Tirol y dla Provinzia de Trënt a Schwaz tl Tirol s’incuntarà la Junta provinziala indoman da sëra. Le dessëgn de lege sön le bilanz de previjiun 2015 gnarà presentè ai media le dé do la sentada dla Junta provinziala en
mercui, ai 29 d’otober
dales 10
tl salf dles incuntades dla Junta provinziala,
Palais Widmann, plaza Silvius Magnago 1
Balsan.
rc
