Atualità
Convëgn de comparaziun sön la proteziun iuridica dla maternité ai 06/11
Ai 6 de novëmber dales 10 inant gnaral tignì a Balsan n convëgn de comparaziun sön les situaziuns desfarëntes dla proteziun iuridica dla maternitè y sön les mosöres de sostëgn ai geniturs tl Südtirol, tl Tirol y ti Grijiuns.
„Les desposiziuns por la proteziun dla maternité y les mosöres de sostëgn por i geniturs tl Südtirol, tl Tirol y ti Grijuns“: chësc é le titul dl convëgn sön la comparaziun dla proteziun iuridica dl laûr che vëgn organisé dala Repartiziun Laûr che gnarà tignì
en jöbia, ai 6 de novëmber
dales 10 ales 12.30
tl Auditorium dl Palaz provinzial 12
tla strada Gamper 1,
a Balsan.
Tl Südtirol él mesanamënter zirca 600 ëres al ann che lascia so laûr por se dè jö cun la familia y jì derevers tl monn dl laûr ne é gonot nia saurì. Tratan le convëgn, che vëgn organisé dala Repartiziun Laûr en colaboraziun cun l’EURES TransTirola, saràl de plü esperć dal Südtirol, dal’Austria y dala Svizera che fajarà na comparaziun dles legislaziuns y dles situaziuns por ći che reverda le monn dl laûr y l’ocupaziun tl Südtirol, tl Tirol y ti Grijuns.
Al convëgn tolarà inće pert l’assessuria por le laûr Martha Stocker y le Diretur dla Repartiziun Laûr Helmuth Sinn, che é inće le presidënt dla EURES TransTirolia. Do i referać gnaràl tignì na discusciun.
Düć i interessà é invià a tó pert al convëgn.
Le program é gnü injuntè.
rc
