Atualità
Domisdês d’informaziun por scolars y scolares dles scores altes
L’Ofize Orientamënt scolastich y profescional organisëia na seria de incuntades informatives a Balsan sön les poscibilitês y ofertes formatives por studënć che é tl stlü jö la scora alta. I terminns dles incuntades é: ai 13 de novëmber, ai 11 de dezëmber, ai 8 de jenà, ai 5 de forà, ai 12 de merz, ai 09 d’aurì y ai 14 de mà.
Öna dles dezijiuns plü importantes tl percurs formatif ti aspeta ai scolars y ales scolares canche ai röia tles ultimes tlasses dles scores altes: L’Ofize Orientamënt scolastich y profescional ti pita insciö a düć i scolars interessà la poscibilité da s’informè sön percursc universitars, profesciuns, formaziuns alternatives, stüdi foradecà y.i.i. tres incuntades personales cun na consulënta a Balsan. I „domisdês d’informaziun“ por studënć dles scores altes vëgn metüs a jì dal’Ofize Orientamënt scolastich y profescional y é ponsà dandadöt por studënć y studëntes dla V tlassa dles scores altes y por sü familiars. Le incuntades é preodüdes ai 13 de novëmber, ai 11 de dezëmber, ai 8 de jenà, ai 5 de forà, ai 12 de merz, ai 09 d’aurì y ai 14 de mà tres dale 14 ales 18 tla sënta dl’Ofize Orientamënt scolastich y profescional, VI alzada (Infoteca), Palaz provinzial VIII , strada Andreas Hofer 18, Balsan. La prenotaziun ne é nia nezesciara. Por plü informaziuns prëibel tliché sön: http://www.provincia.bz.it/diritto-allo-studio/orientamento-scolastico-professionale/1425.asp
rc
