Atualità
Euregio: I temesc dl mëis de novëmber dl Euroregiun é online
Na vijita ala cité tiroleja de Schwaz, le presidënt di imprenditurs jogn dl Südtirol Thomas Moriggl y les aplicaziuns desfarëntes dl sistem de partezipaziun zivica tl Südtirol, Trentin y Tirol: chisc é i temesc dl mëis presentà sön la homepage dl Euregio y da ciafè tres la misciun internet: www.europaregion.info.
L’Euregio ajornëia süa plata internet vigni mëis cun informaziuns, personaji, posć interessanć y chestiuns iuridiches atuales che é da ciafè danter l’area da Desproch a Trënt. Le personaje dl mëis de novëmber é Thomas Moriggl, le presidënt di imprenditurs jogn dl Südtirol che presentëia süa minunga sön le svilup economich y dl marćé dl laûr tl raiun dl'Euregio. Plü informaziuns multimediales é da ciafè sön: www.europaregion.info/it/thomas-moriggl.asp
Le post dl mëis de novëmber é la cité tiroleja de Schwaz, che é da ciafè tla valada dl’Inn: na cité che ê tl eté dl tëmp medieval n zënter important por l’estraziun de argënt. La cité de Schwaz à insciö danter l’ater inće na lungia tradiziun de mineores. N video sön la cité pon ciafè tlican sön: www.europaregion.info/it/silberstadt-schwaz.asp
La chestiun iuridica dl mëis vëgn presentada dal politologh y storich südtirolej Günther Pallaver che mët a confrunt, tres n’analisa che mostra sö desfarënzies y prospetives, i sistems de partezipaziun zivica tles regiuns dl’Euregio. Informaziuns plü avisa pon ciafè sön: www.europaregion.info/it/buergerbeteiligung.asp
rc
Galaria dales fotografies
