Atualità
Manifestaziun de contlujiun y surandada di zertificać ai 14/11 a Urtijëi
Dodoman, en vëndres ai 14 de novëmber gnaràl surandè i zertificać ales educadësses dla scolina che à stlüt jö la scoraziun „Stärkung und Erweiterung der pädagogischen Handlungskompetenz“ tres na manifestaziun de contlujiun dales 15 tla scolina Salieta a Urtijëi en presënza dla referënta Irmgard Jaedicke y dl’ispeturia dles scolines Edith Ploner.
Tres la colaboraziun danter le Ćiamp Inovaziun y Consulënza y la Direziun dles scolines „Ladinia“ él gnü organisé dal 2011 al 2014 por 29 educadësses la scoraziun „Stärkung und Erweiterung der pädagogischen Handlungskompetenz“ tratan chëra che al é gnü aprofondì de plü tematiches zentrales che reverda la relaziun danter conzeć de pedagogia y ghiranzes istituzionales por spezialisé les educadësses te chësc ciamp da adorè metodes pedagogiches che favorësces le svilup y la creativité di mituns y dles mitans bele tratan l’eté dla scolina. Por pité na suraodüda finala dla scoraziun y por la surandada di zertificać vëgnel metü a jì na manifestaziun de contlujiun
en vëndres ai 14 de novëmber
dales 15
tla scolina Salieta
a Urtijëi
en presënza dla referënta Irmgard Jaedicke y dl’ispeturia dles scolines Edith Ploner. Düć é dër bel invià a to pert ala manifestaziun.
rc
