Atualità
Scioper dles ferates indoman: Al é poscibl che plü ferates toma fora
Indoman, vëndres, pol suzèd che plü ferates toma fora inće tl Südtirol por gaujia de n scioper anunzié dai sindacać de basa tl setur feroviar. I sorvisc de trasport feroviar dla SAD y de Trenitala podarà tomè fora o gnì garantì te intervals nia regolars.
Le scioper dl personal feroviar statal de Trenitalia é gnü anunzié dal’Uniun sindacala de basa por indoman, vëndres ai 14 novëmber, dales 00.00 ales 21.00 da sëra. Por ći che reverda les ferates regionales gnaràl garantì n sorvisc minimal tles periodes danter les 6.00 ales 9.00 y dales 18.00 ales 21.00, inće sön les trates suraregionales gnaràl garantì n sorvisc minimal.
Le personal dla SAD vëgn inderé damanè dal sindacat USB (Unione Sindacale di Base) da scioperè indoman dales 10.00 ćina les 14.00. Tratan chësta perioda temporala podaràl tomè fora o s’intardì les ferates sön les linies Balsan – Maran, Franzensfeste – Sanćiana y Maran – Malles (informaziuns plü avisa tl'injunta).
rc
