Atualità
„Porta daverta“ tles scores altes: Informaziuns por geniturs y scolars
Por daidé i scolars y les scolares dla scora mesana da to la dezijiun sön ći scora alta chirì fora él les scores altes, profescionales y i istituć tecnics che mët da jì plü dis dla "porta daverta" y manifestaziuns d’informaziun. Les brosciüres d'informaziun cun dötes les dates é da püch desponibles tres la plata internet dl Ofize orientamënt scolastich.
Cun la contlujiun dl percurs formatif dla scora mesana röia milesc de scolars y scolares, adöm a sü geniturs, tla situaziun da mëssei chirì fora ćina ai 31 de merz na scora alta o profescionala adatada o n Istitut tecnich adatè por so dagnì. Ti proscimi mëisc – valgönes scores y istituć à bele metü man – gnaràl organisé de plü manifestaziuns d’informaziun y „dis dla porta daverta“ olache les scores ti pitarà la poscibilité ai scolars y ales scolares da se fà n’idea dles poscibilitês de formaziun do la scora mesana tl Südtirol. Les manifestaziuns d'informaziun é na buna ocajiun por düć i scolars y les scolares y por sü geniturs da imparè da conësce diretamënter i istituć y l’oferta didatica pitada. Informaziuns plü monüdes sön les manifestaziuns y sön i dis dla "porta daverta" dles scores altes, profescionales y i istituć tecnics pon ciafè tres l’Ofize orientamënt scolastich (tel. 0471 413350). Les brosciüres cun dötes les informaziuns ajornades po gnì desciariades tres la misciun http://www.provincia.bz.it/diritto-allo-studio/servizi/978.asp.
Por ći che reverda les scores altes tles valades ladines vegnel pitè chëstes poscibilitês: scora alta Istitut Tecnich Economich „ITE – WFO – Sport Raetia“: Dé dla porta daverta ai 03 de merz (ma do prenotaziun: tel. 0471/796296 o e-mail: ite.urtijëi@schule.suedtirol.it), Scora d’Ert „Cademia“ y scora profescionala por l’artejanat artistich: Dé dla porta daverta ai 06 de merz dales 09.00 ales 16.00 y presentaziun ai 04 de dezëmber ala infoMesse dla scora profescionala a Porsenù, por la scora alta Istitut Tecnich Economich, le lizeum dles sciënzes umanes y le lizeum linguistich da La Ila é chisc i terminns: „Dé dla porta daverta“ ai 05 y ai 06 de forà. Informaziuns plü monüdes pon ciafè chilò: http://www.provinz.bz.it/bildungsfoerderung/downloads/Infoangebote_14-15.pdf .
rc
